Tipi-Tapa Bagoaz Kanpaina
TIPI-TAPA bagoaz! Bizimodu jasangarrietarantz sozializazio- eta komunikazio-kanpaina bat da, zehazki, hausnarketa eta analisi kolektiboko prozesu baten emaitza
Elkarrekin aurrera egiteko ahalegin honetan, egungo garapen-ereduaren aurrean alternatibak bilatu behar direla sentitzen dugun kolektibo desberdinetako hainbat erakundek (gizarte-mugimenduak, GGKEak, sareak edota sindikatuak) gaude sartuta. Denok batera, gure posizionamendua argitaratu genuen 2016an: “Euskal Herritik kolektibotasunean eraikiz: Bizi estilo jasangarrietan oinarritutako gizarte justu eta bidezko baten eraikuntzarako analisi eta aldarrikapenak“.
Orain, TIPI-TAPA bagoaz! Bizimodu jasangarrietarantz kanpainaren txanda iritsi da; eta honen bidez garapen errukitsu, ekitatibo eta jasangarri baterantz bideratzen gaituzten eztabaida eta praktiketarako guneak sortu nahi ditugu. Horretarako, adostutako proposamen eta aldarrikapenak sozializatuko ditugu, estrategikotzat jotzen ditugun lau ardatzen inguruan: Elikagai-Subiranotasuna, Ekonomiaren birlokalizazioa, Eredu energetikoa eta Zainketa.
Sozializazio hori, besteak beste, urte batean zehar egingo da kaleko ekintzen, dokumentalen proiekzioen, elkarrizketarako guneen, antzezpenen eta Bizimodu jasangarrietarantz manifestuarekiko atxikipen-kanpainen bidez; prozesua bizimodu jasangarrirako eskubidearen aldeko epaiketa sinboliko batekin amaituko da.
Jarraitu gure kanpainako ekintzak:
Manifestua
Hamarkadak daramatzagu egungo bizimodua zalantzan jartzen eta planetako baliabideak agortzen dituen kontsumo neurrigabean aldaketak egin behar direla aldarrikatzen. Espezie bizidun izaki, bizitzeko behar duguna naturatik eskuratzen dugu: ekomenpeko izakiak gara guztiz. Era berean, bizirik irauteko, beste pertsonek gu zaintzearen mende gaude: elkarmenpeko izakiak gara.
Egungo ekoizpen-, erreprodukzio-, banaketa- eta kontsumo-sistema giza bizitza ahalbidetzen duten oinarrizko menpekotasun horiek aintzat hartu gabe garatu da.
Gizarte jasangarriak, justuak eta ekitatiboak eraikitzeko, uste dugu bizitzaren eta planetaren zainketa erdigunean jartzen dituen beste eredu guztiz desberdin batera aldatu behar dugula. Hori lortzeko modu bakarra elkarrekin lan egitea eta diskurtsoak, borrokak eta mugimenduak artikulatzea da. Eremu desberdinetako hainbat kolektibok (gizarte-mugimenduak, GGKEak, sareak eta sindikatuak) proposamenak eta aldarrikapenak adostu ditugu estrategikotzat jotzen ditugun lau ardatzen inguruan: ekonomia pertsonen zerbitzura, deshazkunde energetikoa, elikagai-subiranotasuna eta pertsonen zainketa, bizitzaren jasangarritasunaren euskarri gisa.
Manifestu moduan aurkezten ditugun proposamen eta aldarrikapen hauek erakunde publikoei zuzentzen dizkiegu, bizimodu jasangarrietan oinarritutako gizarte justu eta ekitatibo baterako beharrezko trantsizio politikoa gidatzen lagundu dezaten, pertsonen, herrien eta naturaren arteko harreman eta praktika politiko, ekonomiko, sozial eta kultural ekitatibo, solidario eta errespetuzkoak eraikitzearen alde apustu eginez.
Erakundeak eta Kolektiboak
Desazkundea (especialmente el grupo Feminismos Desazkundea)
REAS Euskadi (Red de Economía Alternativa y Solidaria)
Saretuz (Red de Consumo Responsable, Consciente y Transformador de Donostia)
Zentzuz Kontsumitu (Red de Consumo Consciente y Responsable de Vitoria-Gasteiz)
Alianza Política Sector de Mujeres (Guatemala)
- Centro de Mujeres Xochilt Acatl (Nicaragua)
Berriak
#TIPITAPAbagoaz kanpainako bigarren bideoa
Jadanik kanpainako bigarren hilabetean sartu gara! Beraz, horrekin batera #TIPITAPAbagoaz Bizitza jasangarrietarantz kanpainako bigarren bideoa aurkezten dizuegu: Ama Lurra. […]
Gasteizko #TIPITAPAbagoaz kanpainako aurkezpen arrakastatsua
Atzo, arratsaldeko 17:00etatik aurrera, Gasteizko kaleetan barrena ibili ginen hiritarrak informazioz bustitzen! Gero, dokumentala ikusi eta solasaldi interesgarria izan genuen. #TIPITAPAbagoaz kanpainaren aurkezpena arrakastatsua izan zen. Mila esker bertaratu zineten guztioi! […]
#TIPITAPAbagoaz kanpainaren aurkezpen bideoa
Beste bizimodu bat nahi dugu eta alternatibak ekartzen ditugu. TIPI-TAPA bagoaz! Bizimodu jasangarrietarantz kanpainaren bideoa aurkezten dizugu: […]
Martxoaren 29an, asteazkena, aurkezpena Gasteizen
#TIPITAPA bagoaz! Bizitza jasangarrietarantz kanpaina leku anitzetan aurkeztu dugu jada, baina oraindik ez gara plaza guztietara heldu. Asteazkenean, martxoaren 29an, Gazteizen aurkeztuko dugu! Anima zaitez bertaratzera! […]
#TIPITAPAbagoaz! kanpainaren aurkezpena Donostian
Gaur, martxoak 24, #TIPITAPA bagoaz! Bizitza jasangarrietarantz kanpainaren aurkezpena egin dugu Donostian. […]
Martxoaren 24ean dokumentalaren aurkezpena Lantarón-en
Bihar, martxoak 24, TIPI-TAPA Bizitza jasangarrietarantz dokumentala aurkeztuko dugu Lantarón-eko Udaletxean arratsaldeko 18:00etatik aurrera. Animatu bertaratzera, oso interesgarria izango da-eta.